Neflix劇集推薦 @ 一起走向電影的天空

上年年尾放咗個長假，唔知道大家有冇把握機會好好休息吓，迎接新一年呢( ´▽｀)！趁有幾日假，我快快手咁睇咗兩套想睇好耐嘅劇(⁎⁍̴̛ᴗ⁍̴̛⁎)！佢哋都係Netflix熱門劇集之一，超級多人推薦，本人覺得好值得花時間去睇吓^^！

1. 星期三 Wednesday

星期三可以話係短期內令我最深刻同感興趣嘅一套劇之一！Jenna Ortega身為女主角，將Wednesday 呢個角色飾演得淋漓盡致~再加上小手盡情嘅演出，令人更加入迷！而且星期三除咗佢嘅主線劇情之外(阻止校園悲劇發生)，仲加插咗好多有趣嘅橋段，例如火燒夏令營、喪屍舞、血淋舞會等等，令到成套劇緊張得嚟又帶點好笑^^！除咗主角星期三之外，我都好欣賞其他角色嘅表演，例如室友依妮、泰勒、賽維爾等角色，佢哋之間由不合怕到一齊合作嘅互動令成套劇加添好多色彩(⁎⁍̴̛ᴗ⁍̴̛⁎)！而係劇集嘅最後仲留有伏筆一～傳聞會有第二季嘅出現，超級期待！希望會有更新奇有趣嘅事情發生> <！

推薦指數☆ ☆ ☆ ☆ ☆

2. 初戀 First Love

初戀！有人會對佢恨之入骨，有人又會十分珍惜！日劇First Love雖然只有短短九集，但就將男女主角由相識到拍拖，到分開後重遇等事情一一告訴俾大家知！雖然都係一如往常嘅日本純愛題材，但個人覺得都值得一睇！睇完之後會令你諗返屬於自己嘅初戀回憶，特別配合埋嗰首First Love嘅歌，真係好有感覺！即使未有初戀嘅你，都可以感受吓北海道札幌嘅雪景，同欣賞吓靚仔嘅佐藤健(⁎⁍̴̛ᴗ⁍̴̛⁎)！我睇完之後都好想飛一轉，因為落雪嘅北海道，真係好浪漫！

推薦指數 ☆ ☆ ☆ ☆