【實測去暗瘡印三個方法】
唔知有冇sis同我一樣都係好容易生暗瘡嘅體質，特別係每個月嗰幾日前，都總會生幾粒暗瘡喺額頭或者下巴！生暗瘡都算啦，生完留底嘅暗瘡印真係令人好煩惱啊！見到粒暗瘡，就會手多多想清走佢，亦都係因為咁留咗好多暗瘡印喺塊面到！暗瘡印真係好乞人憎，即使化妝都遮唔晒，仲要好顯眼！所以我長期同暗瘡印作戰緊，試緊唔同嘅方法去暗瘡印，等我分享吓我實測過覺得最work去暗瘡印嘅三個方法俾大家啦！
暗瘡印係點形成？
喺講去暗瘡印嘅方法之前，梗係先了解下暗瘡印係點樣形成啦！其實暗瘡印並唔係憑空出現嘅～最大嘅原因就係暗瘡處理不當，例如成日手多多擠暗瘡，或者針清時用錯方法，破壞咗肌膚底下嘅組織，令暗瘡位置出現黑色素沉澱！從而形成各種嘅暗瘡印，好似常見嘅紅印、啡印等等，都需要好長時間先可以淡化同修復嘅！
3個去暗瘡印方法
- 使用含有維他命C嘅產品
我最常用嘅skincare入面一定有一樣係含有維他命C成份嘅產品！因為維他命C係一種強效嘅抗氧化劑，可以幫助減少細胞氧化同促進膠原蛋白嘅增生，快速淡化暗瘡印！大家都可以試吓用啲維他命C嘅精華，面膜等等，加速暗瘡印嘅消失！
- 使用茶樹油
另外，成日聽人講生暗瘡，搽茶樹油啦！原來茶樹油除咗用喺香薰之外，仲可以幫忙預防暗瘡，同時又可以幫助淡化暗瘡印！各位sis可以試吓將茶樹精油同適量嘅基礎油混合，再用綿花棒/手搽喺暗瘡嘅位置，每日搽一至兩次。個人覺得茶樹油對石頭瘡特別有效，可以加快消滅暗瘡，仲可以減低暗瘡印嘅形成！但要注意，茶樹油濃度較高，敏感肌膚或者容易過敏嘅人應該先搽少少喺耳背試吓先，避免引起刺激或過敏反應。
- 皮秒激光去斑療程
如果覺得以上淡化暗瘡印嘅方法太慢，可以試吓做Pico皮秒激光療程！就咁聽Pico皮秒激光去斑係咪以為淨係可以去斑呢XD其實Pico皮秒激光同時都具有去暗瘡印同改善凹凸洞嘅嫩膚作用，可以消滅頑固嘅暗瘡印，同改善暗瘡疤痕！而我做開嗰間醫美中心係用緊目前能量好高嘅Pico4genius分段式皮秒激光儀器，利用高能量將激光能量轉成波頻，分段式咁進入肌膚，仲可以剌激膠原增生同減少色素沉著，可以快速顯著咁去暗瘡印同時改善暗瘡形成嘅凹凸洞，做1次嘅淡印效果都已經好明顯，各位sis都可以去試吓:D！貼心傳送門--> https://bit.ly/3dATqQa
最後，其實淡化暗瘡印嘅方法有快有慢，但都要有一定嘅時間同耐性。最好嘅方法梗係盡量避免暗瘡產生啦！日常都應該要注意保持良好嘅肌膚清潔，避免過度刺激。最好就係要遵循健康嘅飲食同生活習慣，對預防暗瘡同淡化暗瘡印都有幫助嘅！
留言列表
